អន្តរជាតិ៖ ប្រធានាធិបតីអាមេរិក លោក ចូ បៃឌិន បាននិយាយថា ការចូលរួមដោយផ្ទាល់ពីសហរដ្ឋអាមេរិក និងសម្ព័ន្ធមិត្តណាតូ នៅក្នុងជម្លោះរុស្ស៊ី-អ៊ុយក្រែន នឹងនាំឱ្យមានសង្គ្រាមលោកលើកទី៣។

លោក បៃឌិន បានរិះគន់ការលើកឡើងនៅក្នុងសហរដ្ឋអាមេរិកដែលទាមទារឱ្យមានវត្តមានយោធាសកម្មរបស់សហរដ្ឋអាមេរិកនៅក្នុងអ៊ុយក្រែន ឬការគាំទ្ររបស់សហរដ្ឋអាមេរិកចំពោះ «តំបន់គ្មានការហោះហើរ» ដើម្បីការពារប្រជាជនអ៊ុយក្រែនពីការវាយលុករបស់រុស្ស៊ី។

លោកបានថ្លែងថា៖ «គំនិតដែលថាយើងនឹងបញ្ជូនអាវុធវាយលុកហើយមានយន្តហោះ រថក្រោះ និងរថភ្លើងទៅជាមួយអាកាសយានិកអាមេរិក និងនាវិកអាមេរិកដែលត្រូវបានគេហៅថាសង្គ្រាមលោកលើកទី៣»។

លោកបាននិយាយបន្ថែមថា «យើងនឹងការពារគ្រប់អ៊ីញនៃទឹកដីណាតូ» រួមទាំងសមាជិកណាតូដែលមានព្រំប្រទល់ជាប់នឹងប្រទេសរុស្ស៊ី ។

មុននេះ ចូ បៃឌិន បានបើកការវាយប្រហារថ្មីលើសេដ្ឋកិច្ចរបស់រុស្ស៊ីជុំវិញការឈ្លានពានអ៊ុយក្រែន ដោយចូលរួមជាមួយសម្ព័ន្ធមិត្តដើម្បីធ្វើទុកបុកម្នេញទីក្រុងមូស្គូលើផ្នែកពាណិជ្ជកម្ម និងបិទមូលនិធិអភិវឌ្ឍន៍ និងប្រកាសហាមឃាត់ការនាំចូលផលិតផ្សេងៗរបស់រុស្ស៊ីជាដើម៕